कथा सुन्ने र सुनाउने अभियानको थालनी

‘जहाँ बालबालिका त्यहाँ कथा, जहाँ कथा त्यहाँ कथावाचक समाज’ सहितको मुलमन्त्र बोकेर हिजो कथावाचक समाजले विद्यालय–विद्यालयमा बालकथा भन्ने अभियान थालनी गरेको छ । नेपाल आदर्श माध्यामिक विद्यालय, गणबाहलमा भएको यस कथावाचन कार्यक्रममा संस्थाका सचिव यसु श्रेष्ठले ‘बाँदर र टेलिभिजन’ तथा सदस्य जनार्दन बरालले ‘जलपरीको संघर्ष’ नामक कथाहरु प्रस्तुत गर्नुभएको थियो । साथै, उक्त विद्यालयका छात्रछात्राहरुले पनि बालकथाहरु वाचन गरेका थिए ।


बढ्दो आधुनिकीकरण र शहरीकरणको प्रभावमा बालबालिकालाई बालकथा सुनाउने र सुन्ने परम्परा लोप हुन थाले छ । यस्तो परिस्थितिलाई मध्येनजर गरी कथावाचक समाजको गठन भएको हो । जसको मुल उद्देश्य नै बालबालिकालाई बालकथा सुनाउनु हो र उनीहरुका नीहित सृजनशीलताको विकास गर्नु हो ।

कार्यक्रममा, यस संस्थाका सदस्य सौरभकिरण श्रेष्ठले स्वागन मन्तव्य दिनुभएको थियो भने, संस्थाका महासचिव कृष्णदीप सिग्देलले संस्थाको बारेमा जानकारी दिनुभएको थियो । साथै, कोषाध्यक्ष राजेन्द्रभक्त जोशीले सो कार्यक्रम व्यवस्थापन गर्नुभएको थियो । पुस्तकालय विषशज्ञ भोला श्रेष्ठकोको प्रमुख आतिथ्यतामा भएको यस कार्यक्रमलाई सयजनाभन्दा बढी बालबालिकाले कथाबाचनको रसस्वादन गरेका थिए ।